Fara á efnissvæði
EN Innskráning 0

Hallgrímskirkja - Útilýsing

Luxor selur útiljós frá Griven til að lýsa upp Hallgrímskirkju.

Í byrjun árs sendi lýsingarhönnunarfyrirtækið Liska frá sér útboðsgögn fyrir nýja litaskiptandi úti- og innilýsingu fyrir Hallgrímskirkju. Fjölmörg fyrirtæki sendu inn tillögur að ljósum sem gætu hentað í verkefnið, og þar á meðal Luxor. Við höfum um árabil selt og þjónustað inni- og útilýsingu fyrir byggingar og kennileiti og því erum við með nokkur hágæða vörumerki sem gætu komið til greina í þetta verkefni.

Eftir prófanir á verkstað valdi Liska Luxor sem samstarfsaðila fyrir útilýsinguna, en við buðum ljós frá ítalska framleiðandanum Griven, og stýringar frá breska framleiðandanum Pharos Architectural Controls.
Og eins og sést á þessum frábæru myndum þá er lýsingarhönnun Lisku einfaldlega stórkostleg, og litirnir í Griven ljósunum djúpir og fallegir. Hallgrímskirkja er helsta kennileiti Reykjavíkur og nýtur sín loksins í allri sinni ljósadýrð.

Í kvöld klukkan 19:30 verður lýsingin vígð. Við hvetjum þig til að kíkja við á Skólavörðuholti á næstunni og skoða hvernig nýja lýsingin dregur fram smáatriði kirkjunnar. Höfundarverk Guðjóns Samúelssonar nær svo sannarlega nýjum hæðum eftir að rökkva tekur.

Okkar menn sem komu að verkinu: Alfreð Sturla Böðvarsson: sölustjóri og tengiliður við lampaframleiðanda
Vignir Örn Ágústsson: Aðstoð með forritun Pharos stýringa                     

Takk fyrir traustið Guðjón L., allt teymið hjá Lisku og Hallgrímskirkja, takk fyrir samstarfið Fagraf og takk fyrir myndirnar Örn Erlendsson. 

Hallgrimskirkja2 Hallgrimskirkja3
Hallgrimskirkja1 Hallgrimskirkja